Ynformaasje foar de kriten foar harren stik yn it boek

oer de skiednis fan de Friezen om Utens

 Algemiene ynformaasje boek:

1.        Formaat: A4 (sa as boek Apeldoarn)

2.        Yndieling: (it tal siden is fansels rûsd; kin de krite mear of minder wêze)

·      Skiednis Boun                                                                                                             20 siden

·      Kriten besteand (30 x 6 siden de krite)                                                                180 siden

·      Kriten opheft (40 x 4 siden de krite)                                                                     160 siden

·      Bûtenlân                                                                                                                        25 siden

·      Ynlieding, List yntekeners en register fan persoanen en plakken                 15 siden

·      Unfersjoen                                                                                                                    50 siden

                                                                                                                                       ------------------------

Totaal                                                                                                                                 450 siden

            N.B.

-          By it sammeljen foar jo krite net tefolle liede litte troch it tal siden.

-          Der komt ommers in seleksjekommisje, dy’t út it oanlevere materiaal, in seleksje makket.

-          De úteinlike kar wurdt fansels makke yn oerlis mei de krite(kontaktpersoan).

-          Dêrnei giet ien en oar nei de redaksjekommisje, dy’t der sa nedich in

-          ferbinende tekst fan makket en/of de oanlevere teksten hifket.

Tiidpaad:

3.        Alle ynformaasje moat op syn lêst foar1 maart 2008 by de seleksjekommisje wêze

Foar wa is it boek bedoeld?

4.        It boek moat útnoegje ta lêzen, ta keapjen fan bygelyks:

-          de kriteleden

-          de gewoane Friezen, dy’t nijsgjirrich binne nei it hoe en wêrom fan

-          de bining fan Friezen mei elkoar en/of mei Fryslân en it Frysk

-          de neiteam fan (eardere) kriteleden

-          elkenien dy’t it ferskynsel Fries om utens nijsgjirrich fynt

5.        It boek moat dêrom foldwaan oan de easken fan:

-          noflik, net dreech te lêzen

-          nijsgjirrige ynformaasje jaan, bygelyks:

·        Sa folle mooglik nammen fan minsken. It giet om (bestjoers)leden, toanielspilers, sjongers, dûnsers, ensf. Je moatte je foarstelle dat it tinkboek foaral bedoeld is foar ús famylje, foar ús kunde, foar ús bern en bernsbern. Nammen fan minsken binne altyd nijsgjirrich. Faaks is it ek nijsgjirrich wêr't de minsken yn Fryslân berne binne en wat foar berop se hiene. Der moatte foaral ek foto's yn it stik stean. It giet om foto's fan kriteleden, fan bestjoersleden, fan toaniel, fan sang, fan dûns, fan kritejûnen, ensf. Ek kranteknipsels kinne brûkt wurde.

·        Anekdoatyske gegevens. Spannend binne fansels de skelen, mar ek de komyske saken, dy’t har ôfspile hawwe.

It oan te leverjen materiaal: 

6.        Wêr komt dat wei?:

-          Eigen argyf, tinkboeken, krante-artikels ensfh.

-          Argyf by Tresoar (earder FLMD).

7.        Hoe kin it oanlevere wurde? Bygelyks as:

-          Kopy út argyf, tinkboek of krante-artikel.

-          Skreaun stik yn Word of typt; leafst yn it Frysk, mar yn it Nederlânsk is ek gjin beswier (dat kin letter oerset wurde).

-          Utskreaun fraachpetear of mooglik op bân of sa.

-          Foto, as negatyf, dia, tekening, tabel, ensfh..

8.        Ynhâld:

-          Te ferwachtsjen is dat yn de ûnderskate stikken foar in part deselde ûnderwerpen oan 'e oarder komme mar ek foar in part sille de ynbrochte stikken gâns ferskille. Eltse krite hat ommers syn eigen skiednis en syn eigen identiteit.

-          By it skriuwen fan it stik is eltse krite ôfhinklik fan de fraach of 't der oan dossierfoarming dien is. Ek op dat mêd sille de ferskillen grut wêze, mar dat is gjin beswier. Uteinlik skriuwe wy op wat we witte en wat we net witte komt net yn it tinkboek te stean.

9.        Ynformaasje oer oare kriten of oer ophefte kriten, dêr’t leden fan jo krite lid fan west hawwe, graach trochjaan.

10.   Sa nedich kin foar fraachpetearen kontakt opnommen wurde mei de projektlieder.

11.   Suggestjes foar de ynhâld, dy't foar de hân lizze:

-         Yn hokker jier is de krite oprjochte? Wa wiene by de oprjochting belutsen. Hoe gie it yn syn wurk. Is bekend wêr't de oprjochters wei kamen? Wat wie harren maatskiplike posysje/berop? Falt der wat te sizzen oer de eftergrûn fan de oprjochters en de kriteleden?

-         Wa binne de bestjoersleden troch de jierren hinne. It moaist is ek de jiertallen te neamen fan op- en ôfgean, mar as dy net bekend binnen dan is dat net oars.

-         Is der wat te sizzen oer it ferrin fan it ledebestân. Binne der ynfloeden te neamen foar dat ferrin. As getallen net foar 100% bekend binne dan kin folstean wurde mei skattings.

-         Oandacht kin jûn wurden oan Eareleden en Leden fan Fertsjinste. Wat wie harren eftergrûn en wat wiene harren feartsjinsten. Ek oare leden, dy't in protte foar de krite betsjutting hân hawwe, kinne neamd wurde.

-         Oandacht moat jûn wurde oan mooglike toaniel- sjong- en dûnsploegen. Wannear hawwe de inisjativen west ta oprjochtsjen en wannear briek it harren by de hannen omt ôf.

-         Hokker oandacht is jûn oan jubilea. Wat wie destiids it program? Wat wiene fierder de hichtepunten yn al dy jierren. Wat wiene  de kritejûnen dy't men nea ferjitte sil?

-         Binne der fierder noch anekdoates te fertellen? Hawwe der noch rûzjes yn it bestjoer of yn de krite west?

-         It is ek winsklik om fraachpetearen te hâlden mei âlde leden of âldleden.

12.   It is beslist net sa dat de rjochtlinen fêst lizze. It is krekt oarsom. We skriuwe op wat we witte en wat nijsgjirrich is.

 By fragen: mail nei skriuwerfbou@fryskbutenfryslan.nl

18.12.06 HD/HJW