- Op ús weblog kinne jo de ynformaasjemap besjen. Jo moatte dan wol in wachtwurd ha - dat is te krijen by Hâns Weijer;
- Friezen yn ‘e Frjemdte.
Op 30 septimber 2011 freedtemiddei fan 14.30 oant 17.00 oere binne de earste eksimplaren fan it boek “Friezen yn ‘e Frjemdte” oanbean oan deputearre Jannewietske de Vries en Rients Gratema yn de Gysbert Japicxseal fan Tresoar, Bûterhoeke 1 yn Ljouwert. Sjoch de foto's
Dat boek, besoarge troch It Frysk Boun om Utens, wurdt útjûn by útjouwerij “Elikser” yn Ljouwert.
Yn it programma wie fierder ûnder oaren: In muzikaal optreden fan Grytsje Kingma en Rob du Jardin en yn gearwurking mei it Frysk Filmargyf de presentaasje fan de DVD mei dêrop filmkes fan in Friezedei yn de tritiger jierren - in fideofilm fan in oare Friezedei en in fideopresentaasje fan foto’s, makke by aktiviteiten fan it Boun. Fierder wat lûdmateriaal út de fyftiger jierren.
- In gesellich wykein op ‘e Folkshegeskoalle Skylgeralân fan freed 14 oktober oant snein 16 oktober 2011. Programma:
Freed 15.00 oere mei de boat út Harns, nei it waarm iten is der jûns by it hurdfjoer film of dia’s fan it eilân Skylge.
Sneon: Nei it moarnsbrochje in kuier oer it eilân en middeis frij foar museumbesyk. Jûns wer by de iepen hurd sang en musyk by de lûkpûde.
Snein: Klaske fertelt ús oer de Folkshegeskoalle doe en no. Nei de middeisbôle binne wy frij en om 17.30 oere geane wy mei de boat werom, ite mei inoar en binne 19.30 oere yn Harns
Foar wa? Foar alle frysktaligen yn en bûten Fryslân. Kosten € 175,-. excl. de boat. Ienpersoanskeamergebrûk jildt in taslach fan € 13,-. de nacht. Der binne noch inkele plakken frij. Foar ynformaasje en reaksje nei Boukje Andringa 030-2203528 of mail theo.andringa@hetnet.nl Sjoch ek www.fryskbutenfryslan.nl
- It bestjoer en in grut oantal leden is drok dwaande mei it meitsjen fan it boek "Friezen yn'e Frjemdte". Ek jimme by de krites binne drok mei it skriuwen fan jim diel fan it boek - hulde oan jimme allegearre!
|
