SELSKIP “MEI INOAR” FOAR SEIST EN OMKRITEN
Fryske Krite “Mei-Inoar’” te Seist is oprjochte op 20 desimber 1928.
Wat is de doelstelling fan ús krite foar Seist en omkriten?
- It fersterkjen fan de bân foar dyjingen dy’t op de ien of oare wize konneksjes hawwe mei Fryslân of mei it Frysk, bgl. trochdat se der berne binne, Fryske famylje ha, de simmers graach yn Fryslân trochbringe of gewoanwei ynteresse hawwe yn de Fryske taal en har kultuer.
Fan septimber oant en mei april organisearret “Mei Inoar” toaniel- of kabaretfoarstellingen, of oare kulturele jûnen, mei bgl. muzyk of lêzingen. Op dizze jûnen binne fansels ek altyd Fryske boeken (nij en healsliten), lûddragers en oranjekoeken te keap.
Der is gearwurking mei Fryske Krite “Fryslân” yn Utert op it mêd fan:
- it útjaan fan it ynformaasjeblêd “De Kritekoer”, mei nijs fan de twa kriten en nijs út Fryslân;
- de toanielgroep. Alle jierren wurdt besocht in nij toanielstik of ienakter foar it fuotljocht te bringen en dit ek oan te bieden oan de oare Fryske ferienings yn Nederlân;
- it organisearjen fan Fryske taalkursussen, sawol foar Friezen as foar net-Friezen.
De basiskontribúsje is € 15,= de man. Dêrfoar krijt men 6 kear ‘t jier it ynformaasjeblêd.
Foar de aktiviteiten dy’t oanbean wurde, wurdt ynlis frege.
Foarriedige list foar it winterskoft 2011-2012:
| Freed 23 september 2011: |
Algemiene Ledegearkomste + Frysk Byld Bingo |
| Sneon 29 oktober 2011: |
Tjonger Skotsploech |
| Freed 25 novimber 2011: |
Muzikale jûn mei THC Oostergoo. Ynstrumintaal en fokaal. |
| Sneon 7 jannewaris 2011: |
Nijjiersbesite; mei elkoar iten en nei ôfrin in film |
| 17 of 18 febrewaris 2012: |
noch yn te foljen |
| Sneon 24 maart 2012: |
Mienskiplike jûn mei Utert; programma noch net bekend |
Lêsklup
Wa’t nocht oan lêzen hat en mei elkoar de tinzen der oer gean te litten, is fan herte wolkom op de lêsklup.
Fjouwer kear yn ‘t jier komme de dielnimmers by elkoar. It is gesellich en ynspirearjend en noeget út om ek ris oare Fryske boeken te lêzen. Foar mear ynformaasje kinne jo kontakt opnimme mei de boekeferkeapster Nora Koren yn Bilthoven, dêr’t ek de gearkomsten binne, till. 030 -2293865.
Foar neiere ynformaasje oer ús aktiviteiten:
Boukje Andringa-Brattinga, Steenen Camer 76, 3721 ND Bilthoven, tel. 030-2203528;
Ida Knobbe-Kramer, Prins Bernhardstraat 29, 3981 BN Bunnik, tel. 030 – 6562555
DE KRITEKOER
krite boekje jannewaris 2011
kriteboekje maart 2011
kriteboekje oktober 2011
kriteboekje desimber 2011
|
